كلشي ديال الله.

[الحسن العبد]

بسم الله الرحمن الرحيم والصلاة والسلام على أشرف المرسلين.

قصيدة من الزجل الشعري الروحي بعنوان :

كلشي ديال الله .

كلشي "معطى" من عند آلله العاطي
ومن قال:" أنا لي وعندي بوحاطي.
هو من أوجد وأمد ومن العطاء يعطي...
مولاي من أرشد ومن أوتي الحكمة معطي.

كلشي ديال الله : لدنيات ومؤتيات ...
رحمة وعلم، فضل الله للعبد آت آت آت.
يا عبد الله يا مسلم بله الحمد لك هنات.
"فصبر جميل"على العدو ما ابقى قد ما فات.

كلشي ديال الله واحنا ماليه في هذه الدنيا
هو امتحان؛فينا من ينجو وفينا أهل البلية
فينا من فيها مسلك،وفينا من عقله فريا:
عاش واكسب،اكلى وانهب ما مل ما اعيا.

كلشي ديال الله والحساب على تاليه...
من يغدر بما في اليد غب عليه لاتواليه.
الى اذكرتي الشهادة غير سير وخليه.
يومها يتلعثم وما يلقى فيها من يهديه.

كلشي ديال الله وأخوكم قانع بما يصيب.
بعرق الجبين قلة الشيء ما شي عيب.
الصلاة على النبي من هو للقلوب طبيب .
وله الحمد بلاعدد وبلا إله إلا الله ما نخيب.

الحسن العبد بن محمد الحياني،
فاس-المغرب.